Япония бошқа давлатлар сунъий йўлдошларини йўқ қилувчи сунъий йўлдош учириши мумкин – ОАВ

Фото: Depositphotos

Япония расмийлари зарурат туғилганда бошқа давлатлар сунъий йўлдошларини бартараф этувчи ўз сунъий йўлдошини учириши мумкин. Бу ҳақда ТАСС ахборот агентлиги хабар берди.

Маълумотларга кўра, айни вақтда Японияда бундай имконият кўриб чиқилмоқда. Агар ҳукумат бу таклифни маъқулласа, унда жанговар сунъий йўлдошлар фазога 2020 йилнинг иккинчи ярмида чиқарилади.

Таъкидланишича, Японияда бундай ғоя фазода ҳарбий қарама-қаршилик хавфи ошаётгани ва Россия ҳамда Хитой худди шундай жанговар сунъий йўлдошлар яратаётган бўлиши мумкинлигидан хавотирланиш сабабли пайдо бўлган.