Жанубий Корея Япония билан разведка маълумотлари алмашишни тўхтатди
Корея Республикаси Япония билан разведка маълумотларини алмашиш бўйича келишувдан чиқишга қарор қилди. Бу ҳақда Корея президенти ҳузуридаги миллий хавфсизлик бошқармаси бошлиғи ўринбосари Ким Ю Гинга асосланиб Yonhap агентлиги хабар берди.
"Ҳукумат Япония билан разведка маълумотларини алмашишни тўхтатишга қарор қилди", - деди Ким Ю Гин.
Унинг таъкидлашича, "Япония Жанубий Кореянинг ишончли савдо ҳамкорлари рўйхатидан чиқарилиши сабабларини изоҳлаб беролмаган".
Бундан ташқари Ким Ю Гиннинг билдиришича, "бундан буён муҳим ҳарбий маълумотлар алмашиш бўйича шартномани узайтириш Корея Республикаси миллий манфаатларига жавоб бермайди".
2 август куни Япония ҳукумати Жанубий Кореяни ишончли савдо ҳамкорлари рўйхатидан чиқарди. Мазкур қарор расман 28 августда кучга киради.
1 июлда Токио Жанубий Кореяга ярим ўтказгичлар ва турли электрон қурилмалар экранлари ишлаб чиқаришда зарур бўладиган уч турдаги хомашёни етказиб бериш устидан назоратни кучайтирганди.
Мавзуга оид
20:12 / 27.09.2024
Япония ҳукмрон партиясига янги етакчи тайинланди
14:20 / 27.09.2024
Жанубий Кореяда итларни гўшти учун боқишдан бош тортган фермерларга пул тўланади
21:57 / 26.09.2024
Samsung ходимлари радиацияга учрагани туфайли компания жаримага тортилди
20:42 / 26.09.2024