Хитойда Ўзбекистон фуқароси устидан суд бўлиб ўтмоқда

2019 йилнинг 19 август куни Ўзбекистоннинг Шанхай шаҳридаги (Хитой) Бош консулхонаси вакиллари Ханчжоу шаҳар (Чжэцзян провинцияси) Фуқаро ишлари бўйича иккинчи инстанцияси халқ судида 8 январь куни ҳибсга олинган Ўзбекистон фуқароси М.С.нинг суд ишида қатнашди. Унга нисбатан наркотик моддаларни тарқатиш ва сақлаш бўйича айблов қўйилган.

Бош консулхона мазкур вазиятни назоратда ушлаб турибди ва Ўзбекистон фуқаросига консуллик-ҳуқуқий ёрдам кўрсатиш учун Чжэцзян провинциясининг тегишли ҳокимият органлари билан доимий алоқада бўлиб турибди.

Консуллик-ҳуқуқий департаменти хорижга кетаётган ватандошларни ўзлари бораётган давлат қонунларига амал қилишга ва уларнинг қоидаларга риоя қилишга чақирган ҳамда Шанхай шаҳри, Аньхой, Фуцзянь, Хунань, Цзянси, Цзянсу ва Чжэцзян провинциялари ҳудудида бўлиб турган Ўзбекистон фуқароларига улар зарурат туғилган ҳолатларда Шанхай шаҳридаги мамлакат Бош консулхонасига қуйидаги телефон рақами орқали мурожаат қилишлари мумкинлигини эслатиб ўтган: +8621-6307-1896.