Ўзбекистон миллий жамоаси Ироқ билан ўртоқлик ўйини ўтказади

Ўзбекистон миллий жамоаси 9 сентябрь куни Ироқ миллий жамоасига қарши ўртоқлик ўйини ўтказади.

ЎФА маълумотига кўра, учрашув Иордания пойтахти Амман шаҳрида бўлиб ўтади.

Эктор Купер жамоаси эртага Тошкентда йиғин бошлаб, 23 август – 3 сентябрь кунлари пойтахтда машғулотлар олиб боради. ЖЧ-2022 саралашидаги дастлабки баҳс 5 сентябрь пайшанба куни Фаластинга қарши сафарда, Қуддусга туташ Ал-Рам шаҳрида бўлиб ўтади.

Аввалроқ мазкур йиғин учун йиғинга чақирилган футболчилар рўйхати эълон қилинган эди. 

Эслатиб ўтамиз, саралашнинг «D» гуруҳидан Саудия Арабистони, Сингапур ва Яман миллий жамоалари ҳам ўрин олган. 2-тур ўйинлари 10 сентябрда Ўзбекистоннинг иштирокисиз ўтади.