Ўзганинг уйини сотиб, пулни ўзлаштирган фирибгар қўлга олинди

2019 йил 22 август куни Қорақалпоғистон Республикаси Нукус шаҳрида яшовчи 63 ёшли Х.А. ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

У шу йил 31 июль куни Қорақалпоғистон Республикаси Нукус шаҳрида яшовчи 63 ёшли Т.Е. уни алдов йўли билан ишончига кириб Х.А.га тегишли бўлган Тошкент шаҳрининг М.Улуғбек туманидаги хонадонини фуқаро З.С.га 215 млн.  сўмга сотиб юбориб пулларни Х.А.га бермай ўз эҳтиёжлари учун ишлатиб юборганлигини маълум қилган.

Ҳолат юзасидан жиноят иши қўзғатилиб, Т.Е. ушланган. Тергов ҳаракатлари олиб борилмоқда.