Саида Мирзиёева: япониялик жаҳонга машҳур архитектор Ўзбекистон Давлат санъат музейини реконструкция қилишнинг дизайн концепциясини яратади 

Япониялик жаҳонга машҳур архитектор, Притцкер мукофоти соҳиби Тадао Андо Ўзбекистон Давлат санъат музейини реконструкция қилишнинг дизайн концепциясини яратади. Бу ҳақда Ўзбекистон Президенти Администрацияси ҳузуридаги Ахборот ва оммавий коммуникациялар агентлиги директори ўринбосари Саида Мирзиёева ўзининг Фейсбукдаги саҳифасида маълум қилди.

Унинг қайд этишича, тегишли шартнома Ўзбекистон Маданият вазирлиги ҳузуридаги Маданият ва санъатни ривожлантириш жамғармаси томонидан 26 август куни Осака шаҳрида имзоланди.

Мирзиёеванинг маълумот беришича, Андо замонавий биноларни лойиҳалаштиришда ўзига хос миллий эстетик жиҳатларни қўллайди. Меъморнинг энг таниқли ишлари орасида Италия, Франция, АҚШ, Япониядаги театрлар, музейлар ва санъат марказлари дизайнлари бор.