Самарқандда 54 та коллеж биноси мактабларга берилди

Самарқанд вилоятидаги 54 та касб-ҳунар коллежи биноси умумтаълим мактабларига берилди. Бу ҳақда Zarnews.uz ёзмоқда. Манбада айтилишича, 18 та коллежда 2 093 нафар 3-курс талабалари 2019/20 ўқув йилида ўқишни тугатиб қўйишади ва шундан сўнг бино тўлиқ белгиланган мактаб ихтиёрига ўтади.

2019/20 ўқув йилида мактаблар ихтиёрига ўтказилган коллежлар биносида 17 та янги мактаб очилади. 29 та собиқ коллеж биносидан мактаблар қўшимча бино сифатида фойдаланади.