КХДР Японияни ҳарбий жиноятлари учун узр сўрашга ва компенсация тўлашга чақирди 

Пхеньян Япониядан Корея яриморолида қилган ҳарбий жиноятлари учун кечирим сўраши ва компенсация тўлашини талаб қилмоқда. Бу ҳақда Корея мраказий телеграф агентлиги хабар берди.

"Япония 70 йилдан ортиқ вақт ўтган бўлса-да, ҳалигача қилган ишлари учун тавба қилмаётган ва ҳарбий жиноятлари учун узр сўрамай, компенсация тўламай келаётган тажовузкор давлат бўлиб қолмоқда", - дейилади баёнотда.

Қайд этилишича, корейс халқи Япониянинг бу ишларини асло унутмайди ва "КХДР Токионинг бу ёвузликлари учун ҳисоб-китоб қилади".

1910-1945 йилларда Япония ҳукумати Кореяни босиб олган вақтида яриморол аҳолисини оғир ишларни бажаришга мажбурлаган.