Буюк Британияда бир тоннага яқин кокаин олиб кетаётган кема ушланди

Фото: AP Photo / Matt Dunham

Испания миллий полицияси ва Британия ҳуқуқни муҳофаза қилиш органлари ҳамкорликда ўтказган операция чоғида бортида бир тоннага яқин кокаин бўлган кема ушланди.

Елканли кема Майоркадан Аямонте портига (Андалусия) келган, сўнгра Тенерифеда (Канар ороллари) борт рақами ўчирилган.

Суринамда кемага гиёҳванд модда юкланган ва Буюк Британияга йўл олган. У Уэльс соҳилларида ушланди. Экипажнинг икки аъзоси ва тўрт нафар йўловчи қўлга олинди, дейилади Испания миллий полицияси хабарида.

Хабар қилинишича, кемани кузатиш 2018 йилнинг декабрида бошланган.