Шимолий Корея БМТдан ўз ходимлари сонини қисқартиришни сўради

Фото: РИА Новости / Сергей Гунеев

Пхеньян БМТга мактуб жўнатиб, унда Шимолий Кореядаги ходимлари сонини қисқартиришни сўради. Бу ҳақда БМТ бош котибининг расмий вакили Стефан Дюжаррик маълум қилди.

Унинг айтишича, БМТнинг Шимолий Кореядаги жорий амалиётлари муайян самара келтирди ва улар фаолиятининг амалдаги даражада сақланиб қолиниши ҳаётий зарурдир.

Аввалроқ БМТнинг Шимолий Кореяда инсон ҳуқуқлари бўйича махсус маърузачиси Томаса Охеа Кинтана ўз докладида 11 млн шимолий кореялик, яъни Шимолий Корея аҳолисининг 43,4 фоизи тўйиб овқат емасликдан азият чекишини маълум қилган. Унинг маълумотларига кўра, Шимолий Кореянинг озиқ-овқат хавфсизлиги хавотирли паст даражада жойлашган.