Шимолий Корея ўта катта ялпи ўт очиш реактив тизимини синовдан ўтказди – ОАВ
Шимолий Корея етакчиси Ким Чен Ин 10 сентябрда ўта катта ялпи ўт очиш реактив тизими синовида иштирок этган. Бу ҳақда “Рёнхап” ахборот агентлиги хабар берди.
“Ким Чен Ин 10 сентябрда ўта катта ялпи ўт очиш реактив тизими синовида яна иштирок этди”, дейилган хабарда.
Шимолий Корея етакчиси ўтказилган синовлар реактив тизимни жанговар ҳаракатлар олиб бора олиши, траекторияси характеристикалари, аниқлиги ва нишонга олиши усуллари нуқтаи назаридан тўлиқ текширишга имкон берганини айтган. Бироқ хабарда ракета пусклари муваффақиятли кечган-кечмагани айтилмаган.
Жанубий Корея штаблари бошлиқлари бирлашган қўмитасининг таъкидлашича, Шимолий Корея 10 сентябрь эрталаб номаълум турдаги иккита снаряд учирган, улар 330 км учиб ўтган. Таъкидланишича, шарқий томон учирилган снарядлар мамлакатнинг ғарбида жойлашган Пхёнан-Намдо вилоятидан учирилган.
Маълум қилинишича, ушбу реактив тизим синовлари 10 ва 16 августда ҳам ўтказилган. Ундан кичик масофадаги ракеталар учирилган.
Мавзуга оид
11:20 / 19.09.2024
Шимолий Корея яна ракета синовларини ўтказди
09:48 / 12.09.2024
Шимолий Корея яна баллистик ракеталар учирди
14:33 / 10.09.2024
Шимолий Корея ядровий салоҳиятини сезиларли даражада оширади
15:07 / 04.09.2024