Япония дронлар ҳужумидан ҳимояни кучайтирмоқда

Фото: Tristan D. Viglianco / AFP-Getty Images

Саудия Арабистони нефть объектларига қилинган ҳужумдан сўнг Япония мудофаа вазирлиги дронларнинг эҳтимолий ҳужумидан ҳимояни кучайтирмоқда. Бу ҳақда Япония жамоат телевидениеси маълум қилди.

Қайд этилишича, дронларга қарши технология ва қурилмаларни яратиш ҳамда ишлаб чиқариш бўйича харажатлар келгуси молия йили учун мўлжалланган бюджет лойиҳасига киритилган.

Маблағлар хусусан радиоэлектрон таъсир кўрсатувчи технологиялар ҳамда дронларни ҳавода тутиш қурилмалари ишлаб чиқаришга сарфланади.

Эслатиб ўтамиз, 14 сентябрь куни Саудия Арабистонининг Saudi Aramco компанияси нефть заводларига 10та дрон ёрдамида ҳужум уюштирилганди.