Фото: KUN.UZ
Бош прокуратура Янгийўлда содир этилган қотиллик ҳақида расмий маълумот берди. Бу ҳақда маҳкама матбуот хизмати маълумотида айтилган.
Қайд этилишича, 2019 йил 24 сентябрь куни соат 01:00ларда фуқаро Ш.Ю. (1981 й.т.,) Янгийўл тумани, “Гулбоғ” маҳалласида маст ҳолатда, Р.У. (1986 й.т.,) билан ўрталарида келиб чиққан жанжал оқибатида, ошхона пичоғи билан Р.У.нинг чап кўкрак соҳасига бир маротаба санчиб, қасддан ўлдирган.
Мазкур ҳолат юзасидан 2019 йил 24 сентябрь куни туман прокуратураси томонидан Ш.Ю.га нисбатан Жиноят кодексининг 97-моддаси 1-қисми билан жиноят иши қўзғатилган.
