Қўшимча функционаллар
-
Тунги кўриниш
Одил Аҳмедов жароҳат сабаб Яман ва Сингапурга қарши ўйнамаслиги мумкин
Ўзбекистон миллий жамоаси сардори Одил Аҳмедов ЖЧ-2022 саралашидан ўрин олган Яман ва Сингапурга қарши ўйинларни ўтказиб юбориши мумкин. Бу ҳақда Tribuna.uz манбаси хабар бермоқда.
Хитойнинг «Шанхай СИПГ» жамоасида тўп тепаётган Аҳмедов сонидан олган енгил жароҳати сабаб миллий жамоанинг навбатдаги икки ўйинини ўтказиб юбориши кутилмоқда. Вадим Абрамов бошчилигидаги Ўзбекистон миллий жамоаси 10 октябрь куни Тошкентда Яман билан, 15 октябрь куни эса меҳмонда Сингапур билан ўйнайди.
Ўзбекистон миллий жамоасини бу ўйинларда ким сардор сифатида бошлаб тушиши аниқ эмас. Осиё Кубоги олдидан Одил Аҳмедов асосий сардор, Игнатий Нестеров иккинчи ва Анзур Исмоилов учинчи сардор этиб тайинланганди. Яман ва Сингапур билан баҳсларда бу футболчиларнинг бирортаси майдонга тушмаслиги кутилмоқда.
ЖЧ-2022 саралашини Эктор Купер мураббийлигида бошлаган Ўзбекистон миллий жамоаси айни дамда саралашнинг «D» гуруҳида 0 очко билан охирги ўринда бормоқда. Гуруҳнинг қолган жамоалари Сингапурда 4, Фаластинда 3, Яманда 2 ва Саудияда 1 очко бор.
Мавзуга оид
21:06 / 25.04.2026
2 млн доллар – ЖЧ-2026 финалига чипталар астрономик нархларда сотилмоқда
09:22 / 01.04.2026
Ўзбекистоннинг ЖЧдаги учинчи гуруҳдоши ҳам аниқ бўлди
02:23 / 31.03.2026
Ҳусанов энг яхши бўлди. Ўзбекистон – Венесуэла ўйинидан фоторепортаж
22:56 / 30.03.2026