Хитойлик амалдор уйида 13,5 тонна олтин топилди

Хитой ҳуқуқ-тартибот идоралари Данчжоу шаҳрининг собиқ мэри Чжан Ци уйини тинтув қилганда катта миқдорда нақд пул топди. Бироқ полиция учун асосий “топилма” ёмбилар кўринишидаги 13,5 тонна олтин бўлган. Бу “бойлик”нинг ҳаммаси энг замонавий хавфсизлик тизими билан жиҳозланган ертўлада яширилган бўлган.  

Хайнань туристик вилоятида жойлашган 500 минг кишилик шаҳарнинг мэри Хитой Коммунистик партияси котиби бўлиб ҳам ишлаган. Айни вақтда полиция провинциал шаҳарча мэри шунча йил давомида бундай улкан бойликни ва бир неча минг квадрат метр майдонга эга ҳашаматли кўчмас мулкни қандай қилиб яширишга муваффақ бўлганини аниқлаштирмоқдалар. 

某个人民的仆人落马了!儋州市原市长，三亚市原市委书记，海口市原市委书记张琦（安徽人，中共党员现年57岁）九月六日落马。其住宅内起获黄砖金条金砖数量惊人，现金13.5吨。另查获帐面来路不明资金2680亿，多套千余平方的豪宅……。又一次刷新了记录，令吾辈叹为观止，贫穷再一次限制了我们的想象力！ pic.twitter.com/6hcgKsaFwE

— 猪血旗下 (@h1300062810) September 24, 2019

Таъкидланишича, полиция топган олтин 100 та давлатнинг олтин захирасидан кўпроқни ташкил қилади.

Хитойда коррупция учун қатъий қамоқ ёки ўлим жазоси кўзда тутилган. Хитойнинг амалдаги раҳбари Си Цзиньпин мамлакат раҳбари лавозимини эгаллаган илк кунлардан бошлаб барча даражадаги коррупциячиларга нисбатан “мутлақ бетоқатлик” сиёсатини бошлаган.

Ушбу аксилкоррупциявий кампания нафақат оддий давлат хизматчилари, балки юқори лавозимли мансабдор шахслар ва давлат компаниялари раисларига ҳам қарши қаратилган.