Фото: The Newcastle Herald
Бағдодда номаълум снайперлар 4 кишини отиб ўлдирди. Бу ҳақда “Рудау” телеканали хабар берди.
Телеканал маълумотларига кўра, қурбонлардан 2 нафари куч тузилмалари ходимлари, яна 2 нафари намойишчилар бўлган.
Таъкидланишича, Бағдоддаги тартибсизликларда умумий ҳисобда 42 киши ҳалок бўлган. Жароҳатланганлар сони 2 мингга яқинни ташкил қилмоқда.
Ҳозирда Ироқда интернетга кириш тўсилган, комендантлик соати киритилган.
4 октябрда намойишчиларга Ироқ бош вазири Одил Абдул Маҳдий мурожаат қилиб, уларни тарқалишга чақирган. Шунингдек, шиалар диний раҳнамоси оятуллоҳ Али ас-Систаний ҳам чиқиш қилиб, мамлакат раҳбариятини танқид қилган ва тартибсизликларни тугатишга чақирган.
