Қўшимча функционаллар
-
Тунги кўриниш
Жаҳон | 01:00 / 09.10.2019
12225
1 дақиқада ўқилади
Трамп АҚШ суриялик курдларни ташлаб қўймагани ва уларни қўллаб-қувватлашда давом этишини айтди
Фото: AP
АҚШ президенти Дональд Трамп Америка кучларининг Суриядан олиб чиқиб кетилиши жараёни бошланганига қарамай, АҚШ бу мамлакатдаги курдларини ташлаб қўймаслигини айтди. У бу ҳақда ўзининг Тwitter саҳифасида ёзди.
"Биз Сурияни тарк этиш жараёнида бўлишимиз мумкин, лекин биз ҳеч қанақасига ўзига хос халқ ва ажойиб жангчилар бўлган курдларни ташлаб қўймадик", деб ёзди Трамп.
"Биз курдларга маблағ ва қуроллар билан ёрдам беряпмиз!" - дея қўшимча қилди у.
Аввалроқ “Сурия демократик кучлари” қуролли коалицияси қўмондонлиги америкалик ҳарбий хизматчиларнинг Рас-ал-Айн ва Телл-Абяд шаҳарларидан кутилмаганда олиб чиқиб кетилиши курдлар учун ортдан берилган зарба бўлганини билдирганди.
