Иллюстратив фото
Шу йилнинг 21 сентябрь куни пойтахтнинг Яккасарой туманида номаълум шахслар Муқимий кўчаси 1-«А» уйда жойлашган «Поднебесная» ресторанига калит танлаш йўли билан кирган.
«Постда» нашри хабарига кўра, улар омборхонадаги сейфдан ресторан иш бошқарувчиси У.Л.га тегишли 25 миллион сўмни ўғирлаб кетган.
Кўрилган тезкор чора-тадбирлар натижасида мазкур жиноятни ушбу рестораннинг собиқ ишчиси, Андижон вилояти Марҳамат туманида яшовчи У. А. ва унинг маҳалладоши В.О. содир этганлиги аниқланиб, қўлга олинди.
Қайд этилишича, ҳозир тергов ҳаракатлари давом этмоқда.
