Япония соҳилларига 60 йил ичидаги энг кучли бўлиши кутилаётган тўфон етиб келди

Япониянинг Хонсю оролидаги Идзу яримороли охирги 60 йил ичидаги энг кучли бўлиши кутилаётган “Хагибис” тўфонининг зарбасини биринчи бўлиб қабул қилди.

Япониянинг метеорологик бошқармаси бир киши ҳалок бўлгани, 50 киши жабрлангани ва 4 киши бедарак йўқолганини маълум қилган. 9 млнга яқин одам эвакуация қилинган. Кучли ёмғирлар ва тошқинлар бўлиши кутилмоқда, хавфлиликнинг энг юқори даражаси эълон қилинган.

Айни вақтда тўфон марказидаги шамол тезлиги 45 м/сонияни, кучайганда эса 65 м/сонияни ташкил қилмоқда.

Табиий офат электр таъминоти, алоқа линияларининг издан чиқишига ва ўнлаб дўконлар ҳамда муассасаларнинг ёпилишига олиб келган. Минглаб авиарейслар ҳамда регби бўйича жаҳон кубоги ўйинлари бекор қилинган.