Формула-1: Валттери Боттас Япония босқичида ғолиб бўлди

“Формула-1” автопойгасининг Япониядаги босқичида “Мерседес” жамоаси аъзоси Валттери Боттас ғолиб бўлди. 2-ўринни “Феррари” вакили Себастьян Феттель, 3-ўринни “Мерседес”нинг яна бир аъзоси Льюис Хэмилтон эгаллади.

Умумий ҳисобда Хэмилтон 338 очко билан етакчилик қилмоқда, 2-ўринни Боттас (274 очко) ва 3-ўринни “Феррари” аъзоси Шарл Леклер (223 очко) эгалламоқда. 

Таъкидлаш жоиз, “Мерседес” жамоаси конструкторлар кубогида муддатдан аввал ғолиб бўлди.

Пойганинг 18-босқичи Мексикада 25-27 октябрь кунлари бўлиб ўтади.