Назарбоевнинг набираси Лондонда полициячини тишлаб олгани учун бир йилга шартли равишда озодликдан маҳрум этилди

"Би-би-си"нинг хабар беришича, у гиёҳванд модда таъсири остида полициячиларга қаршилик кўрсатган, улардан бирини уриб, қўлини тишлаб олган. 

Нашрнинг ёзишича, ҳукмга кўра, унга 18 ойлик синов муддати берилган, гиёҳвандликка ружу қўйишдан даволанишда давом этиши лозим, шунингдек, ижтимоий меҳнат қилиши ва жарима тўлаши керак. Агарда синов муддати давомида қонунни бузса, қамоқ жазоси шартлидан ҳақиқийга айланади.

Қозоғистон собиқ раҳбарининг набираси 140 соатлик ижтимоий меҳнатга жалб этилади. Гиёҳвандликка ружу қўйишдан даволаниш бўйича 20та мажбурий сессияга қатнашади ҳамда минг фунт жарима ва етказилган зарарни қоплаш учун 5 минг фунт тўлайди.