Ҳиндистон Ўзбекистонга аёллар тадбиркорлигини ривожлантириш мақсадида инвестициялар киритиши мумкин

Фото: Олий Мажлис Сенати ахборот хизмати

Сенат раиси ўринбосари Светлана Ортиқова Ҳиндистон Савдо-саноат палатаси федерациясининг “FICCI Ladies Organization” Аёллар ташкилоти президенти Харжиндер Каур Талвар бошчилигидаги тадбиркорлар делегацияси билан учрашди.

Сенат ахборот хизмати хабарига кўра, учрашувда аёллар тадбиркорлиги ривожлантириш масалалари бўйича фикр алмашилди.

Ўзбекистон ва Ҳиндистонда ахборот технологиялари, текстиль, дизайн, фармацевтика, туризм, аҳолига хизмат кўрсатиш соҳаларида аёллар тадбиркорлигини ривожлантириш йўллари муҳокама этилди.

Делегация аъзолари Ўзбекистонга аёллар тадбиркорлигини ривожлантириш мақсадида инвестициялар киритишга тайёрлигини билдирди, дейилади маълумотда.