Самарқандда Makon Marketing Forum 2019 биринчи миллий бизнес форуми бўлиб ўтади

Самарқанд шаҳрида Makon Marketing Forum 2019 биринчи миллий бизнес форуми бўлиб ўтади. Тадбир жорий йилнинг 2 ноябрь куни ташкиллаштирилади.

Бизнес форумда малакали экспертлар, тадбиркорлик ва маркетинг соҳасида катта натижаларга эришган шахслар, ушбу йўналишларни ўқитиш бўйича мутахассислар ва давлат органлари вакиллари ўз билим ва инновацион ғояларини иштирокчиларга етказадилар.

Маркетинг тармоғини янада ривожлантириш, тадбиркорлик субъектларининг маркетинг ва бизнес соҳасидаги билим ҳамда кўникмаларини ошириш мақсадида ташкил этилаётган тадбирда барча маърузачилар маркетинг, бошқарув ва сотувларни ошириш борасидаги эътироф этилган амалиётчи экспертлар саналади.

Тадбир дастури - www.makonmf.uz
Мурожаат учун телефон - +99897 402 28 20