Россиядан депортация қилинаётган икки ўзбекистонлик самолётда сигарет чеккани учун рейсдан олинди   

Россиядан депортация қилиниши керак бўлган икки ўзбекистонлик самолёт ҳожатхонасида сигарет чекканлик учун рейсдан олинди. Бу ҳақда Ўзбекистон ташқи ишлар вазирлиги сайтида маълум қилинди.

Ўзбекистон фуқаролари “Уральские авиалинии” авиакомпаниясининг Екатеринбург – Тошкент рейси билан ватанларига қайтишлари керак эди. Бироқ улар парвоз олдидан самолётда сигарет чекканлик учун самолётдан тушириб юборилдилар. Эркаклар Свердловск области бўйича хорижликларни вақтинчалик сақлаш марказига қайтарилганлар. Энди ўзбекистонликлар авиачипталарни ўз ҳисобларидан бошқатдан сотиб олишларига тўғри келади.

Ўзбекистон ташқи ишлар вазирлигида таъкидланишича, қоидабузарлардан бирининг чиптаси Россия бюджети ҳисобидан сотиб олинган бўлган.  

Вазирликнинг консуллик-ҳуқуқий департаменти хорижга чиқувчи ўзбекистонликлардан бораётган давлатларидаги қонунларни, жумладан турли ташкилотлардаги қоидаларни яхшилаб ўрганиб чиқишлари ва уларга амал қилишларини сўраб қолади.

Аввалроқ, март ойида яна бир ўзбекистонлик самолётда сигарет чеккани учун Истанбул-Олмаота рейсидан олинганди.