«Жокер» фильми 16та номинацияда «Оскар»га даъвогарлик қилади

Warner Bros. компанияси режиссёр Тодд Филипснинг "Жокер" фильмини 16та номинацияда "Оскар" мукофотига даъвогар этиб кўрсатиш бўйича кампания бошлади. Бу ҳақда Movieweb хабар берди.

Компания раҳбарияти картина миллиард доллар келтиради (у айни пайтда 900 миллион доллардан ортиқ пул тўплаган) ва "Энг яхши фильм", "Энг яхши режиссёр", "Энг яхши актёр", "Иккинчи пландаги энг яхши актёр", "Иккинчи пландаги энг яхши актриса", "Энг яхши сценарий", "Энг яхши монтаж" ва бошқа номинацияларда мукофот олишга қодир деб ҳисобламоқда

Фильм экранларга чиққанидан сўнг букмекерлар Хоакин Фениксни мукофотга асосий номзод деб аташди. У кейинги 18 йил давомида бир марта иккинчи пландаги роли ва икки марта энг яхши эркак роли учун "Оскар"га номзод этиб кўрсатилган, аммо мукофотга сазовор бўлмаган.

Фильм нечта йўналишда номзод этиб кўрсатилиши 2020 йил 13 январда, Америка киноакадемияси аъзолари якуний рўйхатни тузганидан кейин маълум бўлади.