Маҳмуд Муродовнинг UFC’даги навбатдаги рақиби маълум бўлди

Муродов UFC’даги иккинчи жангини лигада 2013 йилдан бери иштирок этувчи америкалик Тревор Смитга қарши ўтказади. Ўзбек жангчиси тегишли шартномани 6 ноябрда имзолади. Жангнинг ўзи эса 8 декабрда Вашингтондаги мусобақа доирасида бўлиб ўтади. 

Муродов америкалик машҳур боксчи Флойд Мейвезер жамоаси аъзоси ҳисобланади. У ўз вақтида Европанинг Oktagon ва XFN лигаларида иштирок этган. Маҳмуднинг UFC’даги дебюти сентябрда Копенгагендаги мусобақада бўлиб ўтганди. У ўшанда италиялик рақиби Алессио Ди Кирико устидан ҳакамларнинг бир овозлик қарори билан ғалаба қозонганди.

29 ёшли спортчимизнинг навбатдаги рақибига келсак, 38 ёшли америкалик UFC’да 11 та жанг ўтказиб, улардан 5 тасида ғалаба қозонган, 6 тасида, жумладан охирги икки жангида мағлуб бўлган.