«Исузу»га ортилган ноқонуний телевизорлар тўхтатиб қолинди

Маиший техника буюмларини яширинча олиб киришга доир қонунбузилиш ҳолатларига қарши божхона органлари томонидан кескин кураш олиб борилмоқда.

Жумладан, Жиззах вилоят божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан ҳуқуқни муҳофаза қилувчи бошқа органлар билан ҳамкорликда Дўстлик тумани ҳудудида тезкор тадбир ўтказилди. Бу ҳақда Давлат божхона қўмитаси ахборот хизмати хабар бермоқда

Тадбир давомида, кузатувга олинган фуқаро У.А. бошқарувидаги “Исузу” русумли юк машинаси тўхтатилиб, кўздан кечирилганида, унинг юкхонасида ҳеч қандай ҳужжатлари бўлмаган, хорижда ишлаб чиқарилган жами 20 дона, умумий қиймати 37 миллион сўмлик телевизорлар борлиги аниқланди.

Ҳозирда мазкур ҳолат юзасидан божхона органлари томонидан суриштирув ишлари олиб борилмоқда.