АҚШ Боливиядаги дипломатлари оилаларини эвакуация қилмоқда

АҚШ оммавий тартибсизликлар гирдобида қолган Боливиядан ўз дипломатлари оилаларини тезликда эвакуация қилишга қарор қилди. 

Бундай қарор қабул қилинишига Лотин Америкаси мамлакатини қамраб олган оммавий тартибсизликлар сабаб бўлган. 

Бундан ташқари, АҚШ давлат департаменти ўта муҳим вазифаларга эга бўлмаган давлат ходимларини Боливияни тарк этишга чақирган. 

Таъкидланишича, Боливия АҚШ ҳукумати томонидан ташриф буюриш тавсия қилинмайдиган давлатлар “қизил” рўйхатига киритилган.