Қўшимча функционаллар
-
Тунги кўриниш
Россия ўзининг муҳрлаб қўйилган ракета ташувчи самолётларини чиқаришга қарор қилди
Россия Хабаровск яқинидаги Каменний Ручей базасида сақланаётган узоқ масофага ракета ташувчи Ту-22М3 самолётларини консервациядан чиқаришга ва модернизациядан сўнг космик-ҳаво кучлари таркибига қайтаришга қарор қилди. Бу ҳақда MilitaryWatch хабар бермоқда.
Самолёт Қозондаги авиазаводга келтирилиши ва Ту-22М3М даражасигача модернизация қилиниши кутилмоқда, шундан сўнг у фойдаланишга топширилади.
Нашрнинг қайд этишича, Ту-22М3 ҳали-ҳамон Европа ва Осиё-Тинч океани минтақасидаги нишонларга аниқ зарба берувчи замонавий қурол бўлиб қолмоқда.
Бундан ташқари, модернизация давомида уни гипертовушли «Кинжал» ракеталари билан қуроллантириш мумкин бўлади.
Хабар қилинишича, ҳозирда Россия космик-ҳаво кучлари ихтиёрида 1,8 мингдан ортиқ самолёт бор.
