Катта миқдордаги гиёҳвандлик моддасини пулламоқчи бўлган шахслар ушланди

Жиззах вилояти ИИБ ЖҚБ ходимлари томонидан Жиззах шаҳрида ўтказилган навбатдаги тезкор тадбирда гиёҳфурушлик билан боғлиқ жиноят фош этилди. Бу ҳақда Postda.uz хабар берди.

Тошкент вилоятининг Янгийўл тумани Нурзиё кўчасида яшовчи, 1996 йилда туғилган О.Б. ва Наманган вилоятининг Чуст тумани Ахча қишлоғида яшовчи, 1988 йилда туғилган Ў.Х. шаҳарнинг Қассоблик маҳалласи ҳудудида жойлашган «Бек» чойхонасида жиноят устида қўлга олинди. Ушбу фуқаролар бу ерда 4 килограмм 650 грамм гиёҳвандлик моддасини пуллаётган бўлган.

Мазкур ҳолат юзасидан Жиноят кодексининг тегишли моддаси билан жиноят иши қўзғатилган. Ҳозир тергов ишлари олиб борилмоқда.