Қўшимча функционаллар
-
Тунги кўриниш
Жаҳон чемпиони компьютерни мағлуб этиб бўлмаслигини тан олиб, фаолиятини якунлади
Го ўйинининг компьютер версияси AlphaGo’ни мағлуб эта олган дунёдаги ягона инсон Ли Седоль фаолиятини якунлашга қарор қилди.
The Guardian нашрининг хабар беришича, Ли Седоль бундай қарорни сунъий онгни мағлуб этишнинг иложи йўқлиги сабабли қабул қилган.
2016 йилда Ли Седоль AlphaGo ўйинига қарши 5 та ўйиндан иборат беллашувда 4 марта мағлуб бўлиб, бир мартагина компьютер устидан ғалаба қозона олган. У ушбу дастурни мағлуб эта олган ягона инсон ҳисобланади, аммо дастур алгоритми 3 йил ичида янада такомиллашган.
“Мен дунёда биринчи рақамли бўлсам ҳам, бироқ мағлуб этиб бўлмайдиган нимадир бор бўлади”, деб айтган го ўйини бўйича 18 карра жаҳон чемпиони компьютер ўйинини назарда тутиб.
Го ўйини Хитойда 3 минг йил аввал пайдо бўлган. Ушбу ўйин Хитой, Япония ва Жанубий Кореяда оммалашган. Ўйинчилар оқ ва қора тошларни 19х19 ли тахтада жойлаштириб, кўпроқ ҳудудни эгаллашлари керак. Таъкидланишича, ушбу ўйиннинг эҳтимолий сценарийлари сони бутун коинотдаги атомлардан кўпроқ, деб ҳисобланади.
36 ёшли Ли Седолнинг ўзи компьютер устидан қозонган ягона ғалабасини дастурдаги носозлик билан тушунтиради.
Мавзуга оид
17:05 / 27.12.2021
Хитойнинг Шанҳай шаҳрида “рақамли прокурор” жорий этилди
23:06 / 18.08.2020
Сунъий онг: янги авлод GPT-3’нинг ҳайрат ва даҳшатлари нимада?
22:57 / 05.05.2020
Boeing сунъий онгга эга жанговар дрон прототипини тақдим этди
16:50 / 28.11.2019