Tesla ўз машиналаридаги ойна тозалагичлар ўрнига лазер қурилма қўллайди

Tesla Motors компанияси машиналаридаги ойна тозалагичларни лазер қурилма билан алмаштиришни режалаштирмоқда. Бу ҳақда Electrek нашри хабар берди. 

Маълум қилинишича, компания бу қурилмани патентлаштирган. 

Таъкидланишича, лазер қурилма автоматик равишда ёқилади. Бу эса ойнанинг тозалигини аниқловчи сенсор ёрдамида амалга оширилади.

Лазер қурилма автомобилнинг нафақат олд ойнасини, балки ён ойналари ва орқа ойнасини ҳам тозалайди. Лазер тозалагичлар учун ҳеч қандай тозаловчи суюқлик керак бўлмайди.

Шу билан бирга, лазерлар кучли ёғингарчилик вақтида қандай ишлаши ва ҳайдовчи ҳамда йўловчилар кўзларига қанчалик хавфсизлиги борасида маълумот берилмаган.