Венесуэлалик ҳарбийлар гиёҳвандлик моддаси олиб кетаётган самолётни уриб туширди

Венесуэла қуролли кучлари мамлакат ҳаво сарҳадини кесиб ўтишга уринган бортида гиёҳвандлик моддалари бўлган самолётни уриб туширди. Бу ҳақда мамлакат қуролли кучлари стратегик қўмондонлигининг Twitter саҳифасида маълум қилинди.

Бу наркомафиянинг ноябрь ойида Венесуэла орқали ўтишга уринган учинчи самолётидир. Аввалги икки самолёт 17 ва 19 ноябрь куни аниқланганди. 

Август ойида Венесуэла қуролли кучлари Колумбиядан гиёҳвандлик моддалари олиб келаётган иккита самолётни уриб туширганди.

2013 йилда Венесуэла президенти Николас Мадуро наркомафиянинг мамлакат ҳудуди узра учиб ўтадиган ҳар қандай самолётини уриб туширишга рухсат берувчи қонун тасдиқланганини маълум қилганди.