Россия, Эрон ва Хитой декабрь охирида ҳамкорликда ҳарбий машғулотлар ўтказади

Россия, Эрон ва Хитой 27 декабрда Ҳинд океанида ҳамкорликда ҳарбий-денгиз машғулотлари ўтказади. Бу ҳақда Эрон ҳарбий-денгиз кучлари қўмондони контр-адмирал Ҳусайн Хонзодий маълум қилди.

"Россия, Эрон ва Хитойнинг ҳамкорликдаги ҳарбий машғулотлари 27 декабрь куни бўлиб ўтади", - дея ундан иқтибос келтирмоқда ИРИБ телерадиокорпорацияси. 

Хонзодий машғулотлар "Денгиз хавфсизлиги белбоғи" деб номланишини қўшиб қўйди.

Ҳинд океанидаги ҳарбий-денгиз машғулотларининг дастлабки режаси уч давлат вакиллари томонидан октябрь ойида ишлаб чиқилганди.