Ўзбекистонда фирибгарликда гумонланиб, қидирувда бўлган шахс Петербургда қўлга олинди

Фото: РИА Новости

Жорий йилнинг 3 декабрь куни кечқурун Санкт-Петербургдаги уйлардан бирининг яқинида ўтказилган тезкор-тергов тадбирлари чоғида давлатлараро қидирувда бўлган Ўзбекистон фуқароси қўлга олинди. У ўз ватанида фирибгарликда гумонланмоқда, деб хабар берди «Невские новости» нашри.

Санкт-Петербург ва Ленинград областида рўйхатдан ўтмаган Ўзбекистон фуқароси қидирувда бўлган, у фирибгарликда айбланган (Ўзбекистон Жиноят кодексининг 168-моддаси 2-қисми). Қидирув ташаббускори - Хоразм вилояти Ички ишлар бошқармаси, эҳтиёт чораси - қамоққа олиш.

Қўлга олинган шахс Приморский тумани полицияси навбатчи бўлимига олиб борилган. Қидирув ташаббускори фуқаро ушлангани тўғрисида хабардор қилинди.