Нью-Жерсида содир бўлган отишмада олти киши ҳалок бўлди

Фото: Kena Betancur/AFP via Getty Images

Жерси-Сити (Нью-Жерси штати)да содир бўлган отишма оқибатида олти киши, жумладан, бир нафар полициячи ҳалок бўлди. Бу ҳақда Associated Press агентлиги хабар берди.

Шаҳар полицияси бошлиғи Майкл Келлининг айтишича, дўкон ичидан беш кишининг жасади топилган. Унинг сўзларига кўра, отишманинг аниқ сабаби номаълум. Тахмин қилинишича, ўлдирилган полициячи отишмани тўхтатишга уринган. Келли отишма бир неча соат давом этганини айтди.

Бундан ташқари, яна икки полициячи жароҳат олган.

Аввалроқ ABC телеканали отишмада тўрт киши ҳалок бўлганини хабар қилганди.