Германия канцлери Ангела Меркель Forbes нашри томонидан тузилувчи йилнинг энг катта таъсирга эга аёллари юзталигининг энг юқори поғонасини эгаллади.
Меркель «Йил аёли» номига қаторасига 9 йил муваффақ бўлмоқда.
2-ўринга Европа марказий банки раиси Кристин Лагард, 3-ўринга АҚШ конгресси вакиллар палатаси спикери Нэнси Пелоси қўйилган.
Рейтингнинг етакчи ўнталигига Еврокомиссия раҳбари Урсула фон дер Ляйен (4-ўрин), General Motors компанияси президенти Мэри Барра (5-ўрин), Microsoft асосчиси Билл Гейтснинг рафиқаси, саховатпеша Мелинда Гейтс (6-ўрин), АҚШнинг Fidelity Investments молиявий корпорацияси раҳбари Абигейл Жонсон (7-ўрин), Испаниянинг Santander банки директорлар кенгаши раиси Ана Ботин (8-ўрин), IBM президенти Жинни Рометти (9-ўрин) ва Lockheed Martin президенти Мэрилин Хьюсон (10-ўрин) киритилган.
Юзталикка таниқли аёллардан, шунингдек, америкалик телебошловчи Опра Уинфри (20-ўрин), Британия қироличаси Елизавета II (40), АҚШ президентининг қизи Иванка Трамп (42), Россия банки раиси Эльвира Набиуллина (53), қўшиқчилар Рианна (61), Бейонсе (66) ва Тейлор Свифт (71) киритилган.
Аввалроқ Time нашри талқинига кўра «Йил одами» деб топилган 16 ёшли экофаол Грета Тунберг юзталикнинг сўнгги ўрнини эгаллаган.
