Эрдўған Ҳафтар тарафида ёлланма аскарлар жанг қилаётгани тўғрисидаги хабарлардан хавотирда эканлигини айтди

Фото: Anadolu

Туркия президенти Ражаб Тоййиб Эрдўған фельдмаршал Халифа Ҳафтарнинг Ливия миллий армияси тарафида ёлланма аскарлар жанг қилаётган бўлиши мумкинлиги борасида хавотир билдирди.

"Уларга (ёлланма аскарларга) ким пул тўлаётганини ким билади. Ливияда шундай вазиятки, биз кузатувчи бўлиб туришимиз нотўғри", - деди Туркия президенти.

Шу билан бирга, Эрдўған Ливияга "Миср, БАА, Франция ва ҳатто Италия" қизиқаётганлигини айтди.

"Ҳозирда Россия кўринмаётган бўлса-да, у ерда Россия тузган ҳарбий компания бор. Американинг бундай компаниялари жуда кўп. Масалан, собиқ ҳарбийлардан ташкил топган бундай компаниялар Афғонистонда мавжуд. Уларга катта пул тўлашяпти ва улар Афғонистонда ноқонуний жанг қилишмоқда", - деди Эрдўған.

Ҳозирда Ливияда бир вақтнинг ўзида иккита ижро ҳокимияти: Фоиз Саражнинг халқаро даражада тан олинган Миллий келишув ҳукумати ва парламент ҳамда Ливия миллий армияси томонидан қўллаб-қувватланаётган Абдулла Абдураҳмон ат-Танийнинг вақтинчалик ҳукумати мавжуд.

#Ливия #Ражаб Тоййиб Эрдўған

2011 йилдан буён фуқаролик уруши ҳолатида бўлган Ливияда вазият янада чигаллашмоқда. Туркия Ливия билан ҳарбий соҳадаги ҳамкорлик асосида Африка шимолига ўз ҳарбийларини йўлламоқда.