Мирзиёев Туркиядаги автобус ҳалокати муносабати билан Эрдўғанга таъзия йўллади

Ўзбекистон президенти Шавкат Мирзиёев Туркиянинг Денизли вилоятида йўловчи автобуси ҳалокатга учрагани оқибатида инсонлар қурбон бўлгани ва жароҳат олгани муносабати билан президент Ражаб Тоййиб Эрдўғанга таъзия йўллади.

Давлат раҳбари ҳалок бўлганларнинг оила аъзоларига чуқур ҳамдардлик изҳор этиб, жароҳатланганлар тез фурсатларда шифо топишини тилади.

Хабарларга кўра, бугун, 31 май куни Измирдан Анталияга кетаётган автобус Денизли вилоятининг Сарайкой шаҳрида ҳалокатга учраган.

Бахтсиз ҳодиса оқибатида саккиз киши ҳалок бўлган, 30 нафардан ортиқ киши жароҳатланган. Автобусда 38 йўловчи ва уч нафар ходим бўлгани айтилмоқда.