Фазода фавқулодда вазият: NASA’нинг янги кемаси белгиланган орбитага чиқа олмади

АҚШнинг Халқаро коинот станциясига учирилган янги фазовий кемаси Starliner белгиланган орбитага чиқа олмади. Таъкидланишича, кемада двигател билан муаммолар кузатилган. 

Кема айни вақтда барқарор орбитада қолиб, Ердаги жамоа кейинги ҳаракатлар вариантларини кўриб чиқмоқда. Хьюстондаги парвозларни бошқариш маркази буйруқларига кўра кема қуёш батареялари билан Қуёш томон бурилган ва аккумуляторларини қувватламоқда. 

NASA раҳбари Жим Брайденстайн кемада двигателлар ишламаганини маълум қилган. 

LIFTOFF! 🚀 @BoeingSpace's #Starliner spacecraft launched at 6:36am ET and is on its way to the @Space_Station. This @Commercial_Crew demonstration flight marks a milestone in a new era of U.S. human spaceflight systems. Watch: https://t.co/CVvXzb8pww pic.twitter.com/8V6Rt8FwQl

— NASA (@NASA) December 20, 2019

“ХКС билан учрашиш учун зарур бўлган двигателлар ёқилмаган”, деб маълум қилган Брайденстайн. 

Кема бортида аёл манекен ва ХКС экипажи учун совғалар бор.  

Янги фазовий кема Boeing компанияси томонидан ишлаб чиқилган. У 13 тонна оғирликка эга ва 7 фазогирдан иборат экипаж учун мўлжалланган. Кема 60 соат давомида автоном парвозни амалга ошира олади. У 20 декабрда Канаверал бурнидаги авиабазадан Atlas ракета-ташувчиси ёрдамида ХКС томон учирилди.