Жоан Роулинг дунёнинг энг кўп ҳақ тўланадиган ёзувчилари рейтингида етакчи бўлди

Британиялик ёзувчи Жоан Роулинг Forbes журналининг 2019 йилдаги энг кўп ҳақ тўланувчи ёзувчилари рейтингида биринчи ўринга жойлашди.

Роулинг Нью-Йоркдаги Бродвей театридаги спектаклга сотилган чипталар, 2,8 млн нусхадаги китоблари Ҳарри Поттерга бағишланган кўнгилочар паркдан келган даромад ҳамда экранлаштирилган китоблари касса йиғимларидан тушган тушум ортидан етакчиликни қўлга киритди. Унинг жами даромади 92 млн долларни ташкил этди.

Рейтингда иккинчи ўринни Билл Клинтон билан ҳаммуаллифликда “Президент йўқолиб қолди” романини ёзган америкалик Жеймс Паттерсон эгаллади. Унинг даромади 70 млн доллар деб баҳоланмоқда.

“Тикланиш” китоби сотуви орқали 36 млн доллар ишлаган АҚШнинг собиқ биринчи хоними Мишель Обама учинчи ўриндан жой олди.