Сурия ташқи ишлар вазири АҚШнинг ҳаракатларини қароқчилик деб атади

Сурия ташқи ишлар вазири Волид Муаллим / Фото: Reuters

Сурия ҳукумати АҚШнинг ушбу мамлакатдаги табиий ресурсларга нисбатан ҳаракатларини қароқчилик деб баҳолайди, деди Сурия ташқи ишлар вазири Волид Муаллим.

"Сурия халқининг бойлигини, нефть бойликларини ўғирлашмоқда. Бу билан АҚШ шуғулланмоқда. Буни қароқчилик деб ҳисоблаймиз, чунки бу қуролдан фойдаланиш орқали амалга оширилмоқда", деди у.

Вазирнинг қўшимча қилишича, шу билан бирга Сурия Туркия томонидан зўравонликка учрамоқда.

"Туркия бизнинг бирлигимиз ва ҳудудий яхлитлигимизга тажовуз қилмоқда", - деди Муаллим.

Унинг қўшимча қилишича, Хомс ҳудудидаги нефтни қайта ишлаш заводига Американинг Ат-Танфдаги базасидан амалга оширилган.

Аввалроқ Сурия нефть ва минерал ресурслар вазирлиги Хомсдаги нефтни қайта ишлаш заводига террорчилар дронлар ёрдамида ҳужум қилганини билдирганди. Вазирликнинг хабарига кўра, ҳужум натижасида бир нечта қайта ишлаш тизими ишдан чиққан.