Ангола суди Африканинг энг бадавлат аёли бойликларига тақиқ қўйди

Фото: Reuters

Ангола суди мамлакат собиқ президенти Жозе Эдуарду душ Сантушнинг қизи – 2,3 млрд доллар бойликка эга 46 ёшли Изабель душ Сантушнинг активлари ва банкдаги ҳисобрақамларига тақиқ қўйди.

Хусусан, душ Сантушнинг Unitel телекоммуникация компанияси ва Fomento Angola банкидаги улушларига тақиқ қўйилди.

BBC News хабар беришича, бу коррупцияга қарши тергов ишлари билан боғлиқ. Амалдаги президент Жуан Лоренсунинг маъмурияти душ Сантушга тегишли 1 млрд долларни қайтариб олишга уринмоқда. Ҳукуматнинг фикрича, у бу бойликка ноқонуний равишда эришган.

Forbes журналининг ёзишича, душ Сантуш Африкадаги миллиардерлар рейтингида саккизинчи, энг бадавлат аёллари рейтингида эса биринчи ўринда туради. Унинг отаси 1979 йилдан 2017 йилгача Анголага президентлик қилган.