Ангола Ўзбекистонга янги элчи тайинлади

Ўзбекистон ташқи ишлар вазири Бахтиёр Саидов Анголанинг янги тайинланган элчиси (қароргоҳи Москва шаҳрида) Аугушту да Силва Куняни қабул қилди.

"Анголанинг Ўзбекистондаги элчиси Аугушту да Силва Куня жаноблари билан учрашиб, унинг ишонч ёрлиқларини қабул қилдик, – деб ёзди Ўзбекистон ТИВ раҳбари. – Академик алмашинув, соғлиқни сақлаш, спорт ва бошқа кўплаб соҳаларда ҳамкорлик ўрнатиш юзасидан фикр алмашдик. Ўзбекистон Ташқи ишлар вазирлиги жаноб элчини Ўзбекистон Ангола ўртасидаги икки томонлама муносабатларда сезиларли натижаларга эришиш борасидаги саъй-ҳаракатларини қўллаб-қувватлашга тайёр".

Ўзбекистон ва Жанубий Африкада жойлашган Ангола ўртасидаги дипломатик муносабатлар 2002 йил 31 майда ўрнатилган.