ЙПХ инспектори ҳайдовчидан 1 млн сўм талаб қилди

Иллюстратив фото

Бош прокуратура ҳузуридаги Департаментнинг Сурхондарё вилоят бошқармаси, вилоят прокуратураси ҳамда ИИБ ходимлари билан ҳамкорликда тезкор тадбир ўтказилди.

Маҳкама хабарига кўра, унда Сурхондарё вилоят ИИБ ЙҲХБ ЙПХ инспектори Б.Х. фуқаро П.Ж.нинг автомашинасини жарима майдончасига қўймаслик, унга нисбатан маъмурий баённома расмийлаштирмаслик ва жарима тайинламаслик эвазига 1 млн. сўмни тамагирлик йўли билан талаб қилиб олган вақтида ашёвий далиллар билан ушланган.

Мазкур ҳолат юзасидан ЙПХ инспектори Б.Х.га нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.