Араб автомобилсозлик компанияси янги спорткар тақдим қилди (фото)

Дубайнинг Jannarelly Automotive автомобилсозлик компанияси Британияга экспорт қилишга мўлжалланган Design-1 спорткарини тақдим қилди. Бу ҳақда Carsweek нашри хабар берди. 

Jannarelly Design-1 UK Edition спорткари 5 та рангда – кулранг, қизил, кўк, оқ ва яшил рангларда тақдим этилган.

Спорткар купе кўринишида ишланган. У олиб қўйилувчи том билан жиҳозланган. 

Машинада 325 от кучига эга 6 цилиндрли двигател ва 6 поғонали механик узатмалар қутиси ўрнатилган.

Араб спорткари 100 км/соат тезликка 4 сонияда эришади, максимал тезлиги 220 км/соатгача етади. 

Design-1’нинг нархи 115 549 фунт стерлингни (150 300 доллар) ташкил қилади.