Талабалар ўртасидаги “Универсиада” спорт ўйинлари бошланмоқда 

23 январдан бошлаб, Ўзбекистон олий ўқув юртлари талабалари ўртасида спортнинг 12 та тури бўйича ўтказиб келинадиган “Универсиада” спорт ўйинларининг финал босқичига старт берилади. 

Хусусан, 23–26 январь кунлари Навоий шаҳрида ўтказиладиган шахмат ва шашка баҳсларида 100 нафарга яқин талаба-ёшлар ғолиблик учун баҳс олиб боришади. 

2000 йилдан буён ташкиллаштириб келинаётган мазкур спорт мусобақалари бу йилдан бошлаб янги шаклга ўтказилди. Жорий йилдан эътиборан “Универсиада” спорт ўйинлари республиканинг барча ҳудудларида ўтказилиб, 4 июнга қадар давом этади. 

Ўтказиладиган беллашувларда 1 500 нафардан ортиқ талаба қатнашади.