Абхазия коронавируснинг тарқалиши муносабати билан бешта мамлакат фуқаролари учун мамлакатга киришга чекловлар қўйди. Бу ҳақда республика Миграция хизмати раҳбари Андрей Бобуа «Интерфакс»га хабар берди.
Унга кўра, «Абхазияга киришга вақтинча тақиқ Тожикистон, Ўзбекистон, Жанубий Корея, Хитой ва Қирғизистон фуқаролари учун амал қилади».
Унинг қўшимча қилишича, «бошқа мамлакатлардан, масалан, Африка жанубидаги давлатлардан бўлган муҳожирларга нисбатан бундай чекловлар жорий этилмайди, чунки уларда касаллик ўчоқлари топилмаган».
А. Бобуа Абхазияга киришга чекловлар 6 февралдан бошлаб республика Соғлиқни сақлаш вазирлигининг тавсияси билан жорий этилишини маълум қилди.
Бундан олдин, Ўзбекистон Соғлиқни сақлаш вазирлиги ҳузуридаги Санитария-эпидемиологик осойишталик агентлигининг коронавирусга қарши марказий штаби 5 февраль ҳолатига кўра навбатдаги маълумотни эълон қилганди.