Фарғона – Олмаота йўналишида мунтазам автобус қатнови йўлга қўйилади

Йўналишнинг умумий масофаси 1202 км бўлиб, ҳаракат вақти 22 соат 20 дақиқани ташкил этади

Фото: Транспорт вазирлиги ахборот хизмати

Фарғона водийсидан қўшни Қозоғистон Республикасига борувчи йўловчиларга қўшимча қулайликлар яратиш мақсадида транспорт вазирлиги томонидан Фарғона - Олмаота йўналишида мунтазам автобус қатновлари йўлга қўйилмоқда

Ушбу йўналиш бўйлаб қатновлар жорий йилнинг 4 март санасидан бошланади. Йўналишнинг умумий масофаси 1202 км бўлиб, ҳаракат вақти 22 соат 20 дақиқани ташкил этади.

Қатнов “Фарғона шаҳар атрофи” автошоҳбекатидан соат 11:00да бошланади. Чипталарни "Фарғона шаҳар атрофи" автошоҳбекати ва “Сайран” автовокзалларидан харид қилиш мумкин.

Мазкур йўналишда Uzautotrans Service ва "Тулпар-Байконир" корхоналари йўловчиларга хизмат кўрсатади.