Австрия мигрантлар оқимини тўхтатиб туриш учун Грецияга полиция жўнатади

Туркия Суриянинг Идлибида вазият кескинлашганидан сўнг мигрантлар ва қочқинлар оқимини тўхтатиб тура олмаслигини билдирди ва ЕИ билан чегараларини очиб юборди.

Фото: Greek government

Австрия ички ишлар вазири Карл Нехаммер ҳукумат мигрантлар оқимини тўхтатиб туриш учун Грецияга чегара полициясини жўнатишни режалаштираётганини маълум қилди.

"Эътиборимизни ташқи чегараларимиздаги одамларни тўхтатишга қаратишимиз шарт", - деди Нехаммер OE24 телеканалига.

Унинг сўзларига кўра, Греция хавфсизлик хизматига "ҳар қандай - кадрлар, моддий ва молиявий ёрдам" зарур.

Туркия Суриянинг Идлибида вазият кескинлашганидан сўнг мигрантлар ва қочқинлар оқимини тўхтатиб тура олмаслигини билдирди ва ЕИ билан чегараларини очиб юборди. Шундан кейин минглаб мигрантлар Греция чегарасига етиб келди. Уч кун ичида чегарани ноқонуний кесиб ўтишга бўлган 20 мингга яқин уринишнинг олди олинди.

Тайёрлаган Дилшод Аскаров

#Греция #миграция

2019 йил декабрида Сурия армияси Идлибни тўлиқ эгаллаш учун юриш бошлади. Туркия эса Сурия шимолидаги иттифоқчиларини ҳимоя қилиш учун бу ҳудуддаги кузатув постларига минглаб ҳарбийларини жўнатди ва икки томон ўртасида тўқнашувлар рўй бера бошлади.